ඔබම මාද විය මාද ඔබම විය.....

අපි ගොඩක් අය දන්නව සම්බුලා ජාතකය. ඒ කතාවෙ බිරිදකගෙ පති භක්තිය ගැන ඉතා හොදින් පැහැදිලි කරනව. පවුල් ජීවිතය කියනදේ නිවැරදිව ගොඩනගාගන්න ජීවිතය ඉස්සරහට ගෙනියන්න ගොඩක් උපකාර වෙනව. අපි ආයෙම එහි කතාව කෙටියෙන් මතකයට ගනිමුකො. සොත්තිසේන රජතුමා ඉතා දැහැමින් රාජ්‍යය පාලනය කරමින් ඉන්න අතරෙ කුෂ්ට රෝගයක් වැළදෙනව. ඔහු වනගත වෙනව. නමුත් අසීමිත පති භක්තිය නිසා ඔහුගෙ බිරිද වන සම්බුලා දේවියත් ඔහුත් එක්ක වනගත වෙනව ඔහුට උපස්ථාන කරන්න. නමුත් කොච්චර හොදින් තමන්ට උපස්ථාන කලත් අන්තිමේදි සොත්තිසේන රජතුමා දානව නම් රාක්ෂයෙක් නිසා ඇයව සැක කරනව.

අපි අද කියන්න යන කතාවත් ඒ විදියමයි. ඔහු වෘත්තියෙන් පොලිස් පරීෂක වරයෙක්. ඔහුගේ බිරිද හෙදියක්. මේ පොළිස් පරීක්ෂක වරයා රිය අනතුරකට ලක්වෙලා ස්නායු ආබාධයකට ගොදුරු වෙලා බෙලහිනතාවයට පත් වුන පුද්ගලයෙක්. මේ බිරිද දිවි හිමියෙන් තම සුවාමියාට සලකනව. නමුත් මේ ස්වාමියා ඇය දිහා බලන්නෙ සැකයෙන්. ඇයත් සමග කිසිවෙක් කතා කරනවටවත් කැමති නෑ. ඇයටත් මේක පැහැදිලිවම මානසික වදයක්.

මේ හේතුව නිසාම ඇග් හිත ටිකෙන් ටික තමා සමග සේවය කරන වෛද්‍ය වරයෙක් වෙත ලන් වෙනව. නමුත් ඇය ආයාසයෙන් ඒ හැගීම් පාලනය කරගන්නව. නමුත් මේ ස්නායු රෝගයට ලක් වෙච්ච පොළිස් පරීක්ෂක වරයා එන්න එන්නම මානසික වශයෙන් පල්ලෙහට වැටෙනව. අන්තිමට මේ කතාව කෙලවර වෙන්නෙ ඔහු සියදිවි නසාගෙන. ඔහුට පණමෙන් ආදරය කරපු මේ බිරිදගෙ හැගීම්, බණ්ඩාර කේ විජේතුංගයන් මනා ලෙස ගීයට නගා තිබෙනව.

ඔබම මාද විය
මාද ඔබම විය
සාගර වෙරළක පිය සටහන් මත
ඔබ මා සමගින් ගෙවූ දිනක්‌ ඇත
ඒ රන් හිරු රැස විහිදුණු මොහොතේ
ඔබම මාද විය මාද ඔබම විය

 

මේ පද රචනයේ අවසානය බොහොම ප්‍රභල එකක්. 

ඔබමය මා සිත ඔබමය මා ගත
සිතින්ද සිරුරෙන්ද පොබ කළ හිමියනි

මට ඔබ හැරුනම වෙන කෙනෙක් එක්ක මගේ ශරීර ස්පර්ශය වත් ලබන්න මම කල්පනා කලේ නැහැ කියල ඇය කියනව.

ඔබෙන් රකින්නට රහස්‌ කිසිත් නැත

මම කවදාවත් ඔබෙන් රහසක් රැක්කෙ නැහැ.

එවන් කලෙක මා එපා නොකල මැන

එහෙත් ඒ වන ටිට ඔහු තමන්ට දරන්න බැරි මානසික පීඩනය නිසා, බෙලහීන බව නිසා අස්ථාන සැකයක් බිරිද කෙරෙහි ඇති කරගෙන සියදිවි නසාගෙන අවසන්........

කේමදාසන්ගේ සංගීතයට ගායනා කලේ විශාරද මාලනී බුලත්සිංහල...... ඔබම මාද විය මාද ඔබම විය.....

ඔබම මාද විය
මාද ඔබම විය

සාගර වෙරළක පිය සටහන් මත
ඔබ මා සමගින් ගෙවූ දිනක්‌ ඇත
ඒ රන් හිරු රැස විහිදුණු මොහොතේ
ඔබම මාද විය මාද ඔබම විය

පවසා ගන්නට දහක් වදන් ඇත
පෙන්විය නොහැකි වූ දහස්‌ දසුන් විය
ඒ සැම මැද්දේ සිත් කය සිරවුණු
අහිංසකාවිය පමණ ද ඔබ ළඳ

ඔබමය මා සිත ඔබමය මා ගත
සිතින්ද සිරුරෙන්ද පොබ කළ හිමියනි
ඔබෙන් රකින්නට රහස්‌ කිසිත් නැත
එවන් කලෙක මා එපා නොකල මැන

සම්මානයෙන් පිදුම් ලද කේ.ඒ. විජේරත්නයන්ගේ අධ්‍යක්ෂණයෙන්, නිෂ්පාදනයෙන්, තිර රචනයෙන් සහ කැමරාකරණයෙන් බිහිව 1991 වසරේදී සම්භාව්‍ය මණ්‌ඩලයේ තිරගත වූ මධුසමය සිනමා පටය සඳහා අන්තර්ගත වූ මනරම් ගීයකි මෙය. විජය සහ මාලනී ප්‍රධාන රංගනයෙන් දායක වූ මධුසමය චිත්‍රපටය සඳහා ස්‌වර්ණ සංඛ, ඕ. සී. අයි. සී සහ සරසවි යන මුල් පෙලේ සම්මාන හතක්‌ හිමි විණි. සංගීතයෙන් චිත්‍රපටියට දායක වූ කේමදාසයනුත් ලයාන්විත ස්වරයෙන් ගීය ගැයූ මාලනි බුලත්සිංහල මහත්මියත් අද අප අතර නැත. එහෙත් බණ්ඩාර කේ. විජේතුංගයන්ගේ ගී පද වැලට බිහි වූ ඒ සදාතනික ගීය තවමත් අප අතරය.

දුරු කතර ගෙවාගෙන 2

මහගමසේකරයන් වරෙක මේ විදියට කියනව... "සද දුටු විට මට සිහිවන්නේ යූරි ගගාරින්, නීල් ආම්ස්ට්‍රෝංග් ආදීන් පමණයි.." කියල. කොහොම උනත් මේ ස්වභාවධර්මයේ වස්තු අපේ මානසික තත්වයන් වෙනස් කරන්න කොයි තරම් බලපානවද.? අපි ඔබට අද කියන්න යන්නෙත් එවැනි නිර්මාණයක් ගැන. ගීතය තමයි "දුරු කතර ගෙවාගෙන.. මම නොකියම ආවට..." මේ ගීතය ගැන අපි මීට කලින් සුන්දර සටහනක් තැබුව. එක බලන්නකො මෙතනින්. http://goo.gl/5IuB4G

අද අපි කියන්න යන්නෙ ඒ කතාව ගොඩනැගෙන්න හේතු වුන අමිහිරි සත්‍ය කතාව. මේ සිදුවීම මම දැනගත්තේ මගේ සහෝදරිය මාර්ගයෙන්. ඇය සේවය කරන්නෙ ගල්ගමුව නගරයේ රාජ්‍ය බැංකුවක. අපි කාගෙත් හොදට බැංකුවේ නම නොකිය ඉමුකො. එක දවසක්  මේ බැංකුවේ ප්‍රවර්ධවන වැඩසටහනක් තිබිල තියනව. කල සීමාවනම් මතක නැහැ. ඒත් ගමින් ගමට ගිහින් ගෙවල් වල ඇවිදලා බැංකු ගිනුම් විවෘත කරන එක තමයි මෙයාලගෙ අරමුණ.

ඉතින් සහෝදරිය ඇතුළු කණ්ඩායමට යන්න ලැබිල තියෙන්නෙ "දිවුල්ගනේ" කියන ගම් ප්‍රදේශයට තමයි. ඒ ප්‍රදේශයෙන් නිතර බැංකුවට යන එන දන්න කියන කෙනෙක් උදව්වට අඩගහගෙන කට්ටියම ගෙවල් බොහොමයකට ගියාලු. අවසානෙදි එක් ගෙයක් ලගට ඇවිත් අර පුද්ගලය කිවුවලු වැඩක් නැහැ මිස් ඔය ගෙදරට ගියාට නම් ඔය ගෙදර ඉන්න කෙනාගෙ ඔලුව එච්චරම හොද නැහැ කියල. ඒ ඇයි කියල අහල බලනකොට තමයි මේ කතාව දැන ගන්න ලැබිල තියෙන්නෙ.

ඔය ගීතයේ කියනවනෙ බණ්ඩාර මැණිකෙ කියල කෙනෙක් ගැන. එතකොට මේ තමයි ඇත්තටම ඒ බණ්ඩාර මැණික. කට්ටිය දැනටමත් දන්නව ඇතිනෙ ඉතින් දැන් මේ සිද්ධියට සම්බන්ධ පුද්ගලය කවුද කියල. අපි ඉතින් නම නොකිය කතාව කියමු. අපිට කාටවත් අපහස කරන්න ඕන නැහැ. රටම නොදන්නව වුනාට දිවුල්ගනේ කියන ගමම දන්න අමිහරි සත්‍යය මේක තමයි. ඕනම කෙනෙකුට මේ ගම් ප්‍රදේශට ගිහින් අහල බලන්න පුලුවන් මේකෙ ඇත්ත නැත්ත. 

ඉතින් මේ දෙන්න ආදරෙන් හිටිය කාලෙ මේ බණ්ඩාර මැණික මොහුට බෙහෙවින් ආදරය කරල තියනව. ඒත් කාලයක් යනකොට යම් යම් හේතු නිසා ඔහු ඇයව අමතක කරල. ඇයට ඔහුගෙ නික්ම යාම කොහොමටවත්ම දරාගන්න විදියක් තිබිල නැහැ. මොකද ඇය කවදාවත් හිතල නැහැ මන්ගෙ පණ වගේ ආදරය කරන මේ පෙම්වතා මේ විදියට තමන්ව දාල යයි කියල. ඇයගෙ හිතේ ඔහු කෙරේ තිබුණ අසීමිත ප්‍රේමය හන්දම ඇය මානසික රෝගී තත්වයට පත් වෙනව. ඇය තවමත් අවිවාහකයි.

රත්න ශ්‍රී විජේසිංහයන් අතින් මේ කතාව මේ විදියටයි ලියවුනේ...

දුරු කතර ගෙවාගෙන
මං නොකියම ආවට
මට සමාවෙයන් බණ්ඩර මැණිකේ
අර බලන්න අර පුරහඳ අහසේ //

දුම් වලාකුළේ තරුකැට හැංගිලා
ඇස් කොණින් බලා මට ඉඟි බිඟි කළා
මට ඉන්නට බැහැ කොළොම්තොටට වෙලා
උඹෙ කතා කරන දෑස මතක් වෙලා

දුරු කතර ගෙවාගෙන...

මහ මැදුරු උඩින් පුරහඳ පායලා
උඹෙ මුහුණ පෙනුණි මුළු අහසම පුරා

අමරණීය විප්ලව වාදියා... චේ....

1928 ජුනි මස 14 වන දින ආජන්ටිනාවේ උපත ලැබූ සුරතල් ටෙටේ, සැබෑ නාමය අර්නස්ටෝ ගුවේරා ඩි ලා සර්නා. ලෝක පොලිස්කාරයාට පවා හිසරදයක්ව බරපතල ලෙස ඇදුම රෝගයෙන් පිඩාවිදී මේ කෙසග මිනිසා වෙන කවුරුකුත් නොව. ලොවක් ආදරය කරන අර්නස්ටෝ චේ ගුවේරා නොහොත් ආදරණිය චේ නම් සැබෑ මානව හිතවදියායි. පාසල් යාමට වයස අවුරුදු නවය වනතෙක් සිටීමට සිදුවූ මොහු වෛද්‍ය උපාධියක් ලබමින් තම අධ්‍යාපනයට සමුදුන්නේය. මොහුගේ විශ්ව විද්‍යාල ගජයා වූ ඇල්බර්ටෝ ග්‍රනාඩො සමගින් කිලෝමීටර පන්දහසක් පමණ පුරා මස නවයක් තිස්සේ දකුණු ඇමරිකානු මහාද්වීපය පුරාම කසි-කබල් මොටෝ බයිසිකලයකින් කල සවාරිය මොහුගේ දිවිය වෙනතකට යොමු කරවීමට සමත් විය. The Motorcycle Diaries (2004) යන නමින් සිනමා පටයකටද නැගුණු එය විවිධ භාෂාවන් ගණනාවකට පරිවර්තනය වූ චේ ගමන්කළ ඒ ගමනේ සටහන් පොතයයි. තරැණ වෛද්‍ය සිසුකේ ලෙස ලතින් ඇමරිකාවේ ගමන් කර චේ එම ප්‍රදේශය පුරා පැතිරැනු දුප්පත්කම දැකීනේ විශාල ලෙස වෙනඩ් විය. එම ගමනේදි ඔහු ලද අත්දැකිම් නිරික්ෂණය අනුව මෙම දුප්පත්කමට සහ එම ප්‍ර‍දේශයේ සමානාත්මතවයක් නැතිවීමට හේතු ලෙස ධනවාදය, නවධනවාදය හා අධිරාජ්‍යවාදය දුටුවේය. මෙම තත්ත්වය වෙනස් කිරිමට එකම ක්‍රමය ලෝක විප්ලවයක් බව ඔහු විශ්වාස කළේය..

 

මෙම විශ්වාසය නිසා ඔහු ගෝතමාලානි සමජ විප්ලපවයට, ජනාධිපති ජාකොමෝ අර්මෙන්ඩ් ගුස්මේන් යටතේ සම්බන්ධ විය. මෙම ජනපති ඇමේරිකාවේ CIA සහය ඇතිව බලයෙන් පහ කෙරැනු අතර, මින් ගුවේරාගේ විප්ලවකාරි දෘෂ්ටිවාදය තවත් ශක්තිමත් විය. පසුව ඔහු මෙක්සිකෝවේ, ෆිඩෙල්කැඩ්ත්‍රෝගේ 26 ‍වැනි ජුලි ව්‍යාපාරයේ වැදගත් කාර්ය භාරයක් ඉටු කාර්ය මෙහිදි ඔවුන් ඇමේරිකානු සහය ලැබු කියුබානු ඒකාධිපතියෙකු වු Fulgencio Batista බලයෙන් පහ කළහග්වාතමාලාවේ කැරැල්ල සාර්ථකවිමෙන් අනතුරුව මොහුගේ අවධානය යොමු වුවේ එකල වන විටදී කියුබාවේ ඒකාධිපති පාලක බටිස්ටාට එරෙහිව රැවුල්කාරයා (ෆිදෙල් කස්ත්‍රෝ) විසින් ආරම්භකර තිබු විප්ලවය වෙතටය. ග්වාතමාලාවේ කැරැල්ලේ අත්දැකීම් උපයෝගිකරගත් මොහු කියුබානු විප්ලවයේ නොනිමි ගිනිසිළුව වීය. ලොවක් හදුනන “චේ” යන ආදරණිය නාමය මොහුට පට බැදුනේද කියුබානු විප්ලවය අතරතුරදීය. සාර්ථක විප්ලවයකින් පසුව බැටිස්ටාගේ ඒකාධිපති පාලනය අවසන් කල ෆිදෙල් කස්ත්‍රෝ විසින් පිහිටවූ සමාජවාදී රජයෙන් ලද තනතුරු සියල්ලම අත්හළ මොහු බොලිවියාව බලා පිටත් විය, ඒ එවකට එහි ඇවිලෙමින් පැවති විප්ලවයට නායකත්වය දීම සදහාය, එහිදී ඇතිවූ සටනකින් අනතුරුව බොලිවියානු හමුදාවන්ට මැදිව අතකට සහ පාදයකට වෙඩි වැදිහුන් අයෙකු හසුවිය.

එලෙසින් බොලිවියානු හමුදාවන්ගේ ග්‍රහණයට අසුවූ චේව මරාදැමීමට බොලිවියානු ජනපතිට උවමනාවිය. ඔහු චේ සමග බද්ධ වෛරයකින් පසුවිය. එය කෙතෙක්ද යත් ඇමෙරිකානු CIA සංවිධානය පමණක් තවත් බොහෝ අයවද සහයට ගෙන තිබුණා. එහෙත් ඇමෙරිකාවට උවමනාවී තිබුණේ මොහුව සදාකාලික සිරකරුවෙක් කිරීමටයි. මන්ද මොහුව මරා දැමුවොත් මිනිසුන් අතර සදාකාලික වීරයෙක් වනබව ඔවුන් තේරුම් ගෙන සිටි හෙයිනි. එහෙත් බොලිවියානු ජනපති නියෝග කොට තිබුණේ කිසිදු වග විභාගයකින් තොරවම වෙඩි තමා මරා දමන ලෙසයි. එම නියෝගය කනවැකුණු වහාම චේව සුදුමැලි වී ගිය බව CIA නිලධාරියා පවසා ඇත. පීඩිතයින්ගේ නිදහස යහපාලනය වෙනුවෙන් තම ජීවිතය කැපකළ වයස අවුරුදු 39ක් වු මේ සොදුරු මිනිසාගේ අවසන් හුස්ම පොද 1967 ඔක්තෝම්බර් මස 9වනදා බොලිවියාවේ ලා හිගුඒරා හිදී වා තලයට මුසු වුවේ හෙයිට් බේරන් නමැති බොලිවියානු සෙබළා M2 අවියෙන් නිකුත් වු උණ්ඩ කිහිපයකිනි. වෙඩි තැබීමට පෙර තම සිරුර විකෘති නොකරන මෙන් ඉල්ලාසිටි බවද පැවසේ. එලෙස චේ මරා දැමු බොලිවියානු සෙබළා පසුකාලීනව පවසා තිබුණේ එය ඔහුගේ දිවියේ සිදුවූ අවාසනාවන්තම සිදුවීම බවත්. ඔහුට එදින උවමනා වී තිබුණේ චේට වෙඩි තබා සෙබළුන් අතර වීරයෙක් වීම බවත්ය. එහෙත් එය මැරෙනකම්ම විදවන්න වෙන දෙයක් වෙයි කියලා ඔහු හිතුවේ නැත යනුවෙනුයි. චේ ට තැබූ මුල්ම වෙඩිල්ල වෙඩ්ක්කරුගේ වරිදින් හරි හැටි ඉලක්කයට එල්ල කිරීමට නොහැකි විය. එවිට චේ මෙසේ පැවසීය..

“I knew you were going to shoot me; I should never have been taken alive. Tell Fidel that this failure does not mean the end of the revolution, that it will triumph elsewhere. Tell Aleida to forget this, remarry and be happy, and keep the children studying. Ask the soldiers to aim well.”

“මම දැනන් හිටියා නුබලා මට වෙඩිතියන්න යනවා කියලා. මට කවදාවත් පණපිටින් අහු නොවෙන්නයි තිබුණේ. ෆිදෙල්ට කියන්න මේ අසමත්වීම විප්ලවයේ අවසානය නොවේ කියා. මෙය එම විජයග්‍රහණයෙන් ඔබ්බට යාමක්වෙයි. මගේ බිරිද ඇලෙයිඩාට කියන්න මේක අමතක කරන්න කියලා. ආයේ විවාහ වෙලා සතුටින් ඉන්න ඒ වගේම ළමයින්ට හොදට ඉගෙනගන්න කියන්න. සෙබළුන්ගෙන් ඉල්ලාහිටිනවා හරියට ඉලක්කේ ගන්න කියලා”

 චේව ඝාතනය කල පසු ඔහුගේ සිරුරේ ඡායාරුප ගැනීමට ෆ්‍රෙඩි ඇල්බෝටා නම් ඡායාරුප ශිල්පියා කැදවා තිබිණ. ඔහු විසින් ලබාගත් ඡායාරුප සිය ගණනකින් ජනප්‍රියම ඡායාරුපය වුවේ මිලිමීටර දෙකේ උණ්ඩයක් විසින් සිදුරු කරන ගිය චේගේ පපුව දෙසට හමුදා නිලධරයෙකු ඇගිල්ලක් දිගු කරන සිටිනා ඡායාරුපයයි.

පසුව ඉතාමත් මෑතක කිසිදා මෙලි නොවූ ඡායාරූප කිහිපයක් ලොවට හමුවිය. ඒ නම් කියුබානු විප්ලවයේ නියමුවා වූ  අර්නස්ටෝ චේ ගුවේරා බොලීවියාවේදී මරාදමා ඇති අයුරු දැක්වෙන ඡායාරූප කිහිපයක් ස්පාඤ්ඤ ජාතිකයකු විසින් ප්‍රංශ පුවත්සේවයේ මාධ්‍යවේදියෙකු වෙත ලබාදී තිබේ . ඉමානෝ ආර්ටිගා නම් ඔහු පවසන්නේ තම දෙමාපියන්ගේ විවාහ උත්සවයට සහභාගීවූ තම මාමා කෙනෙකුවන ලුයිස් කෝර්ටිරෝ විසින් එම ඡායාරූප රැගෙනවිත් ඇත ; ඒ 1967 වසරේ නොවැම්බර් මස දිනකදීය. 

එකල බොලීවියාවේ ධර්මදූත සේවයේ යෙදී සිටි කෝර්ටිරෝ විසින් 1967 ඔක්තෝබර් 10දා මෙම ඡායාරූප ගෙන ඇත්තේ  බොලීවියානු හමුදාව විසින් ඔහු මරාදමා එක් දිනකට පසුවය. එම ඡායාරූපයන්හි මියගිය චේ දෑස් විවර කරගෙන සිටින අයුරුද දක්නට ඇත. අද ලෝකයේ වටිනාම සේයා රූ කිහිපය අතරට මේ සේයා රුව ද අයත් වේ 

එදා එලෙසින් මරා දැමුවද ඇමෙරිකාව සිතු ලෙසින්ම අද ඔහු නොමළ මිනිසෙකි. උපන් මහා පොළවට ණයගැත්තෙක් නොවූ මේ සොදුරු මිනිසා අද තාප්ප බිත්ති පුරා ටියුෂන්කඩ කරුවන්ගේ ප්‍රචාරක මෙවලමකි. චේ යනු කවුරුන්දැයි ඔහු කළේ කුමක්දැයි නොදන්නා එවුනගේ විලාසිතාවකි.

අද ලොව සමාජවාදයේ පරමාදර්ශයක්‌ බඳු ඒ විප්ලවීය චරිතය "චේ" ලංකාවට පැමිණ ඇත්තේ එවකට ලංකා ආණ්‌ඩුව, ජයග්‍රාහී විප්ලවීය කියුබානු රජය සමඟ නව තානාපති සබඳතා ගොඩනගා ගැනීමට තීරණය කිරීම හේතුවෙනි. ඒ අමරණීය දිනය 1959 වසරේ ඔක්‌තෝබර් 05 වැනිදායි. ඒ දිනයේ චේ ඇතුළු කියුබානු නියෝජිත පිරිස ලංකාවට පැමිණි ගමනේදී හොරණ යහළකැලේ වතුයායටද පැමිණ තිබේ. ඒ ශ්‍රී ලංකාවේ රබර් කිරි කර්මාන්තය පිළිබඳ අවබෝධයක්‌ ලබාගැනීමට සිදුකළ සංචාරයක්‌ බව පැවැසේ. ඒ කුමක්‌ වෙතත් ලොවම ආදරය කරන මේ අමරණීය නායකයා මෙරට පැමිණි වග සිහිපත් කෙරෙන එකම ජීවමාන සංකේතය ඇත්තේද හොරණ යහළකැලේ වතුයායෙයි. එය චේ ගේ අපරිමිත මිනිස්‌කම සේ අතු ඉතිලා සරුවට වැඩුණු මහෝගනී ගසකි. එම ඓතිහාසික වෘක්‍ෂය චේ ගෙ දැතින් සිටුවීමට උදව් කළ ඔහු ළඟින්ම සිටි මිනිසෙක්‌ අදත් යහළකැලේ වතුයායේ නිහඬව වෙසෙති. චේ හැබහින් දුටු මිනිසෙකු ලෙස අදටත් මේ බිමේ හිඳින්නේ ඔහු පමණකි.

මරා දැමු චේ

චේ ලංකාවට පැමිණි අවස්ථාව සහ ඔහු ඒ අවස්ථාවේ සිටවූ මැහෝගනී පැළය අද සුවිසල් ගසක් වී ඇති අයුරු