හර් කියුලිස්ගේ කාර්යය 12

 

            මෙය බොහෝ කලකට පෙර, මිථ්‍යාව සහ ජනප්‍රවාද ඇති කාලයක කතාවයි. පුරාණ දෙවිවරුන් සුන්දර හා කුරිරු වූ අතර ඔවුන් මිනිසුන්ගේ දුක් වේදනා සමඟ සෙල්ලම් කිරීමට පටන්ගත් විට ඔවුන්ගේ බලයට අභියෝග කිරීමට එඩිතර වූයේ එක් මිනිසෙකු පමණි. ඒ හර්කියුලිස්. හර්කියුලිස් සතු වූයේ ලොව කිසිදා නොදුටු ශක්තියක්, ඔහුගේ හදවතේ බලයෙන් පමණක් ඉක්මවූ ශක්තියකි. ඔහු තම දුෂ්ට කුඩම්මා වූ හේරා, දෙවිවරුන්ගේ සර්වබලධාරී රැජින වන හේරාගේ ගෝලබාලයන් සමඟ සටන් කරමින් පෘථිවියේ ගමන් කළේය. නමුත් නපුර කොතැනක තිබුණත්, අහිංසකයෙකු දුක් විඳින සෑම තැනකම හර්කියුලිස් සිටියේය.

මහා දෙවිවරු පෘථිවියට පැමිණෙන්නට පටන්ගත් කාලෙය් දෙවිවරුන්ගේ මහා දෙවියා වූ සියුස් ග්‍රීසි‍යේ ඇල්ක්මිනි නම් මනුෂ්‍ය කාන්තාව හා සහවාසයෙන් ඉපදෙන කර්කියුලීස් අර්ධ දෙවියෙකි. සිය පුරුෂයාගේ කාමමිත්‍යාචාරයේ ප්‍රථීඵලය වූ හර්කියුලීස් කෙරෙහි දෙවියන්ගේ ‍රැජිණ වූ සහ සියුස්ගේ භාර්යාව වූ හේරා දෙවඟනට තිබුණේ තදබල වෛරයක්. ඈ විසින් වරක්හර්කියුලීස් තාවකාලික උමතු තත්ත්වයකට පත්කරවන අතර, හර්කියුලීස් අවසිහියෙන් සිය බිරිඳවත්, දරුවන් දෙදෙනාවත් මරා දමනවා. තමන්ට හොද සිහිය ලැබුන පසු තමන් කළ අපරාධය වැටහීමෙන් පසු ධරුණු සිත්වේදනාවට පත්වෙන හර්කියුලීස් ඩෙල්‍ෆිහි අනාගත වක්තෘවරිය හමුවන්නට යන්නේ සිය වරද සමාකරගන්නේ කෙසේද යන්න දැනගැනීමේ අරමුණෙන්.

                                    'ක්ෂීරපථයේ ඇ‍රැඹුම' - ජැකොපෝ ටින්තොරෙ‍තෝගේ සිතුවමකි (1575). පුරාණ ග්‍රීක පුරාවෘතයන්ට අනුව සියුස් දේවියන් ඇල්ක්මිනි වෙතින් රැගෙන එන ළදරු හෙ‍රකියුලිස් හේරාට දේවගනට දෙන්නේ ඔහු අනාථ දරුවකු බව ඇයට පවසමිනි. දරුවා කෙරෙහි තම හිතෙහි ආදරයක් හටගත් නිසාම ඔහුට තම පියයුරෙන් කිරි බොන්නට හරිනවා. නමුත් හරකියුලිස් තදින් කිරි උරාබීම නිසා එක වරම කිරි ස්වල්පයක් පියයුරෙන් ඉවතට විදින අතර, එම කිරි බිඳු වලින් ක්ෂීරපථය නිර්මාණය වනවා.

හර්කියුලීස් විසින් ඇය හමුවූ පසු ඇයගේ අදහස වූයේ තම පව් සමාකරගැනීමට නම් මයිසීනියාවේ හා ටිරින්ස්හි රජ යුරිස්තියස්ගේ හට සේවය කල යුතු බවයි. ඇගේ උපදෙස් පරිදි මයිසීනියාවේ හා ටිරින්ස්හි රජ සහ ඔහුගේ ඥාතී සහෝදරයා වූ යුරිස්තියස්ගේ සේවය සඳහා හර්කියුලීස් පිටත්ව යනවා. හර්කියුලීස් යුරිස්තියස්ට වසර 12ක කාලයක් සේවය කළ යුතු බවත්, ඔහු විසින් පවරන ඕනෑම කටයුත්තක් සිදුකළ යුතු බවත්, එම කාලය අවසානයේ හර්කියුලීස්ට අමරණීයභාවය ලැබෙනු ඇති බවත් ඩෙල්‍ෆිහි වක්තෘවරිය ප්‍රකාශ කරනවා. හර්කියුලීස් මෙයට අකමැති වුණත්, ඩෙල්‍ෆිහි වක්තෘගේ වචනය සිය පියා වූ සියුස්ගේ වචනය නිසා ඊට පිටින් යාමට නිර්භීත නොවන නිසා යුරිස්තියස්ගේ සේවයට යනවා.

ඩෙල්‍ෆිහි වක්තෘවරිය

එම සේවා කාලය තුළ යුරිස්තියස් විසින් හර්කියුලීස්ට කිසිවෙකුටත් කල නොහැකි යැයි ඒවකට පැවසුන ඉතාමත්ම අපහසු කාර්යයන් දහයක් කරන ලෙස අණ කරනවා. එයින් වැඩ දෙකක්ම කළ බවට පිළිගැනීම යුරිස්තියස් ප්‍රතික්ෂේප කළ නිසා තවත් වැඩ දෙකක් පැවෙරනවා. මෙසේ හරිකියුලීස්ට පැවරුන වැඩ දහය, දොළහක් බවට පත්වෙනවා. "හර්කියුලීස්ගේ වැඩ දොළහ" ලෙස පසුව ප්‍රසිද්ධ වූයේ මේ කාර්යයන් දොළස යි.

 
01. නීමියානු සිංහයා මරාදැමීම (Nemean Lion)

පළමු කාර්යය වූයේ Nemea වෙත ගමන් කිරීම සහ ගම්බද ප්රදේශ භීතියට පත් කරන දරුණු මෘගයෙකු වන Nemean සිංහයා ඝාතනය කිරීමයි. මේ සිංහ රකුසාට කිසිම ඊතලයකින් විදින්න බැරි බවට මතයක් තිබුණා. හර්කියුලීස් ඔහුගේ ඔලිව් ලී මුගුරෙන් මෘගයාව මවිතයට පත් කළ අතර පසුව ඔහුගේ දෑතින් ගෙල සිර කළේය. මෙතැනට පැමිණෙන ඇතීනා දෙවගන සිංහයාගේම තියුණු නියපොතු භාවිතා කරමින් සිංහයාගේ සම ඉවත් කරන ලෙස ඔහුගෙන් ඉල්ලා සිටියාය. ඔහුගේ ඉතිරි කාලය තුළ ඔහු සිංහ හම් පැළඳ සිටියේය.

කතාවේ බොහෝ අනුවාද වලදී, ඔහු යුරිස්තයස් රජු බිය ගැන්වීම සඳහා යුරිස්තියස්ගේ උසාවියට මේ සිංහ සමින් කල පෙල්ට් එක පැළඳ පැමිණියේය. මෙයින් පසුව හර්කියුලීස්ට නගරයට ඇතුල්වීම තහනම් කරන යුරිස්තියස් ඔහු සමග ගනුදෙනු කලේ පණිවිඩකරුවෙකු මගිනි. මෙයින් පසුව යුරිස්තියස් වඩ වඩාත් භයානක අභියෝග නිකුත් කරමින් තම ඥාති සොහොයුරාගෙන් පළිගැනීමට උත්සාහ කිරීමට පෙලඹුණි.

මේ සියල්ල අවසානයේ ෙහ්රා දෙවඟන නීමියානු සිංහයා අමරණීය කිරීමේ අරමුණින් උගේ රුව සිංහ රාශිය (LEO) ලෙස අහසේ සටහන් කළ බව ජනප්‍රවාදෙය් කියෙව්.

02. ලර්නියානු දිය රකුසා මරාදැමීම (Lernaean Hydra)

 

දෙවන කාර්යය වූයේ නපුරු දියරකුෙසකු වූ හයිඩ්‍රා මරා දැමීමයි. මේ මෘගයාට මාරාන්තික විෂ සහිත හිස් නවයක් තිබුණි. තවද, ඒක හිසකට තුවාල වුවහොත්, ඒ වෙනුවට තවත් හිස් දෙකක් මැවෙනු ඇත. හෙරක්ලිස් හයිඩ්‍රාගේ මෙම ස්වාභාවික සුවය ජය ගැනීමට සමත් වූයේ හිස ගසා දැමීමෙන්, පසුව ඔහුගේ මිත්‍ර ඉයෝලස් විසින්  ඒම තුවාල පන්දමකින් මුද්‍රා තැබීමෙනි. නැවතත් දේවානුභාවයෙන්, හරිකියුලීස් හයිඩ්‍රාගේ රුධිරයෙන් ඊතල විෂෙපවීමක් සිදු කළේ පසු ප්‍රයෝජනය සදහායි.මෙම මුර්ගයා හේරා විසින් මවන ලද්දක් වන අතර ඇය ඌ සිහිවීමට Hydra නැමති දියරකුසාගේ රාශිය අහෙස් සටහන් කර ඇති බව කියවේ.

03. සේරිනයානු මුවදෙන අල්ලාගැනීම (Ceryneian Hind)

හර්කියුලීස්ෙග් සාර්ථකත්වය නිසා කෝපයට පත් යුරිස්ටියස් තම ඥාති සහෝදරයා දෙවිවරුන්ට එරෙහිව තැබීමට උත්සාහ කළේය. ආටෙමිස් දේවතාවිය සෙරීනියන් හින්ද් ලෙස හඳුන්වන රන් අං සහිත කුඩා මුවෙකුට ආදරය කර ආරක්ෂා කළාය. යුරිස්තියස් ඔහ වෙත සත්වයා ගෙන ඒම හර්කියුලීස්ට පැවරීය. වීරයා මුවාට විද මරා දැමූ විට, ඔහුව ආටෙමිස්ගේ කෝපයට ලක් වනු ඇතැයි සිතුවේය.

 එහෙත්, හෙරක්ලිස් සියුමැලි හිඩැසට හානියක් නොකර අල්ලා ගැනීමේ අභියෝගය භාර ගත්තේය. මේ සදහා ඔහු අවුරුද්දක් මුළුල්ලේ මුවදෙන පසුපස හඹා ගියේය. අවසානයේ මුවදෙන ආටිමිස්ගේ දෙවොලට වැදුණාය. එහිදී ආටිමිස් හර්කියුලීස්ට දර්ශනය වී, සිය මුවදෙනට පීඩා කිරීම සම්බන්ධව ඔහුට දඬුවම් කිරීමට සැරසුනාය. ඇයට බැගෑපත්ව සත්‍යය හෙළිකරන ඔහු, ආපසු ගෙනඑන පොරොන්දුව පිට මුවදෙන ඉල්ලාගෙන යුරිස්තියස් වෙත ගියේය.
ආටිමිස් විසින් හර්කියුලීස්ට දඩුවම් නොකිරීම ගැන යුරිස්තියස් කෝපයටත් භීතියටත් පත්වෙනවා. අවසන් උත්සහයක් ලෙස, එම මුවදෙන තමාට ලබාදිය යුතු බව ඔහු හර්කියුලීස්ට පවසනවා. නමුත් හර්කියුලීස් ආටිමිස්ට පොරොන්දු වුණේ මුවදෙන නැවත ඇයට ලබාදෙන බව යි. එනිසා මුවදෙන අවැසි නම් රජුම පැමිණ තමාගෙන් ඌව ලබාගත යුතු බව හර්කියුලීස් පවසනවා. එයට එකඟ වූ රජු පැමිණෙද්දීම මුවදෙන අත්හැර, ඇයට ආටිමිස් වෙත යන්නට සලස්වන හර්කියුලීස් රජුට පවසන්නේ ඔහු වේගවත් මඳ වූ නිසා මුවදෙන පලාගිය බව යි.

04. එරිමැන්තියානු වල් ඌරා අල්ලාගැනීම (Erymanthian Boar)

 

Erymanthus කඳුකරයේ මිනිසුන් මෙම මාරාන්තික සත්වයාට බියෙන් ජීවත් විය. යුරිස්තියස් ඌව මරා දමනවාට වඩා එය අල්ලා ගන්නා ලෙස තම ඥාති සහෝදරයාට අභියෝග කළේය. එය ධරුණු වුවත්, මෙය විශාල අභියෝගයක් විය යුතු යැයි රජු සිතුවේය. හර්කියුලීස් වල් ඌරා කන්ද උඩට ගොස් හිම පතනයකට ලුහුබැඳ ගියේය. ඉන්පසු ඔහු ඌව දැලක දමා ටිරින්ස්හි රජු වෙත ගෙන ආ අතර, ඔහු මෘගයාට බෙහෙවින් බිය වී විශාල ලෝකඩ භාජනයක සැඟවී ගත් අතර මෙය යුරිස්තියස් සහ හර්කියුලීස් අතර සතුරුකම ගැඹුරු කළේය.

05. ඕගියානු ඉස්තාල පිරිසිදු කිරීම (Augean Stables)

 

මෙතෙක් මාරාන්තික අභියෝග හර්කියුලිස් වෙත පැවරීමම නවත්වා නොතිබූ අතර, ඒ වෙනුවට යුරිස්තියස් ඔහුට  වෙනත් දුෂ්කර අභියෝගයක් එල්ල කළේය. Augeas රජුට අයත් ගව ගාල තුළ සතුන් දහස් ගණනක් ජීවත් වූහ. ඒවා වසර 30 කින් පිරිසිදු කර නොතිබුණත්, එක් දිනකින් ඒවා සම්පූර්ණයෙන්ම පිරිසිදු කරන ලෙස හර්කිලීස්ට දන්වා ඇත.

 යුරිස්තියස්ගේ අණ පිළිගෙන ඕගියස් රජු වෙත යන හර්කියුලීස්, තමා ඉස්තාලයන් දිනක් තුළ පිරිසිදු කරන්නේ නම් රජුගේ පට්ටියෙන් දහයෙන් පංගුවක් ගොනුන්ව තමාට තෑගි කරන ලෙස ඉල්ලා සිටිනවා. රජු මෙයට එකඟ වූ පසු පීනියස් සහ ඇල්‍ෆියස් නම් ගංගාවන් දෙකේ ජල පහර ඉස්තාලය වෙත හරවන හර්කියුලීස්, වසර 30ක් තිස්සේ එකතු වී තිබූ සියලු අපද්‍රව්‍ය සෝදා හරිනවා.

කෙසේ නමුත් කටයුත්ත සම්පූර්ණ වීමෙන් අනතුරුව ඕගියස් රජු තම පොරොන්දුව ඉ‍ටු කරන්නේ නැහැ. ගංගාවන් විසින් අපද්‍රව්‍ය සෝදා හැරුණු නිසාත්, හර්කියුලීස් ඕගියස්ගෙන් ගෙවීමක් බලාපොරොත්තු වූ නිසාත්, මේ කාර්යය ඔහු විසින් කළ බවට පිළිගැනීම යුරිස්තියස් විසින් ප්‍රතික්ෂේප කරනවා. එනිසා හර්කියුලීස් විසින් කළ යුතු තවත් වැඩ 6ක් ඉතිරි බව යුරිස්තියස් ඔහුට පවසනවා. හර්කියුලීස් එයට පළිය ගන්නේ තම වැඩ 12 අවසන් වූ පසු එම රාජ්‍යය ආක්‍රමණය කර, රජු මරා, තමාට සහාය වූ ඕගියස්ගේ පුත්‍රයාට එහි රජකම පවරා දීමෙන්.

06. ස්ටැම්ෆීලියානු කුරුළු රෑන පරාජය කිරීම (Stymphalian Birds)

 

මෙම මිනීමරු පක්ෂීන් ජීවත් වූයේ Stymphalos විල අවට ය. යුද්ධයට අධිපති ඒරිස් දෙවිඳුන්ගේ සුරතලුන් වූ ස්ටැම්ෆීලියානු කුරුල්ලන් ලෝකඩ හොටයන්, ලෝහමය පිහා‍ටු, සහ විෂ සහිත වූ වසුරු ද හෙලන මිනීකන කුරුළු රෑනක්. ස්ටැම්ෆීලියානු විල් ප්‍රදේශයෙන් ආකේඩියාවට සංක්‍රමණය වූ මොවුන් එහි වාසීන්ගේ වගා පාළු කරමින්, මිනිසුන් මරමින් මහත් භීෂණයක් ඇති කළා.
හර්කියුලීස්ට බාර වුණේ මොවුන් එලවා දැමීමයි.

මේ ප්‍රදේශයට හර්කියුලීස් ලගා වුවත් කූඩු වල රැදී සිටි කුරුල්ලන් එළියට ගැනීම කළ හැකි අයුරක් ඔහු දැන සිටියේ නැහැ. මෙය දු‍ටු ඇතීනා දෙවඟන ඔහුගේ පිහිටට එමින් දිව්‍යමය ලෝකුරුවා වූ හෙෆීස්ටස් විසින් එම කාර්යය සඳහාම තනන ලද, මහත් ශබ්ද නඟන කටකටායනයක් ඔහුට ලබාදෙනවා. එය සෙලවීමෙන් ඔවුන්ව ඔවුන්ගේ කැදැල්ලෙන් බිය ගන්වා රැලි ගසා එළියට දැමූ අතර පසුව ඔහු හයිඩ්‍රාගේ රුධිරයෙන් සාදන ලද විෂ ඊතල වලින් ඔවුන්ව මරා දැමීය.

07. ක්‍රීට ගවයා අල්ලාගැනීම (Cretan Bull)

 

ක්‍රීට්හි මිනෝස් රජු විසින් තබා ඇති මෙම ම්ලේච්ඡ ගවයා උමතු වූ අතර ගින්නෙන් හුස්ම ගන්නා බව කියනු ලැබේ. හර්කියුලීස් පිස්සු මෘගයා සමග පොරබදමින් බිමට ගෙන එය යුරිස්තියස් රජු වෙත ආපසු ගෙන ආවේය. නැවතත් මේ මෘර්ගයාට බිය වන යුරිස්තියස් පි‍තෝස් බුජමේ සැඟ වී, ගවයා හේරාට බිලිදීමට යෝජනා කරනවා. හර්කියුලීස් කෙරෙහි ඊර්ෂ්‍යාවෙන් සිටිනා හේරා බිල්ල පිළිගන්නේ නැහැ. එනිසා එම ගවයා මැරතොන් වෙත මුදාහැරෙනවා.

08. ඩයමිඩීස්ගේ වෙළඹුන් අල්ලාගැනීම (Horses of Diomedes)

 

යුරිස්ටියස්ගේ අටවන කාර්යය වූයේ බිස්ටෝන්වරුන්ගේ නායකයා වූ ඩයෝමෙඩීස් රජුගේ නොහික්මුණු අශ්වයන් ආපසු ලබා ගැනීමට උත්සාහ කිරීමයි. ඩයමිඩීස් වනචාරී රජෙකු වූ අතර ඔහු ඔහුගේ වෙළඹුන්ට මිනීමස් කෑමට හුරුකර තිබුණා. හර්කියුලීස්ව මෙවර භාරවූයේ මේ වෙළඹුන් හීලෑකර ගෙන ඒමයි.

ත්‍රේස් වෙත ගොස් වියරු වෙළඹුන් අල්ලා සිය සගයෙකු වෙත පවරන හර්කියුලීස් ඩයමිඩීස් රජු හා සටනට යනවා. නමුත් ආපසු එද්දී වෙළඹුන් විසින් ගැටවරයාව අනුභව කර තිබුණා. ශෝකයෙන් උමතු වන හෙ‍රැක්ලීස්, ඩයමිඩීස් මරා ඔහුගේ සිරුර වෙළඹුන්ට කෑමට දී, ඔවුන්ව සන්සුන් කළේය. වෙළඹුන්ගේ මුඛයන් බැඳ, ඔවුන් යුරිස්තියස් වෙත ගෙනයෑමෙන් අනතුරුව ආර්ගොස්හි නිදහසේ සැරීමට අත්හරින ලද බව කියැවෙනවා.

09. හිපොලිතේ ‍රැජිණගේ බඳපටිය ගෙන ඒම (Take the Girdle of Hippolyta, Queen of the Amazons)

 

හර්කියුලීස් ඇමසන්ස් දේශයට ගිය අතර එහිදී හිපොලිටා රැජින (හෝ හිපොලයිට්) ඔහුව පිළිගත් අතර යුරිස්තියස්ගේ දියණිය වෙනුවෙන් ඇගේ ඉඟපටිය ඔහුට ලබා දීමට එකඟ විය. නමුත් හේරා විසින් හර්කියුලීස් පැමිණියේ සතුරෙකු ලෙස බවට කටකතාවක් පැතුරවා හැරියාය. අවසානයේදී ඔහුට සිදු වූයේ ඇමසන් කුමරියන් හා සටන් කර රන් පටිය සොරකම් කිරීමටයි.

10. ගෙරියොන්ගේ ගව පට්ටිය (Cattle of Geryon)

 

මිනිස් සිරුරු තුනක් ඇති පියාපත් සහිත රකුසෙක් වන Geryon ට ලස්සන රතු ගව රංචුවක් සිටියා. ඔහු යෝධයෙකුගේ සහ දරුණු ඔළු දෙකේ බල්ලෙකුගේ උපකාරයෙන් තම වටිනා රංචුව ආරක්ෂා කළේය. හෙරක්ලිස් Geryon, යෝධයා සහ බල්ලා මරා දමා ගවයන් යුරිස්තියස් රජු වෙත ගෙන ආවේය.

හර්කියුලීස් විසින් මෙසේ කාර්යයන් දහයක් නිම කලද ලර්නියානු දිය රකුසා මැරීමත්, ඕගියානු ඉස්තාල පිරිසිදු කිරීමත් හර්කියුලීස් විසින් තනිවම සිදු නොකළ බව කියූ යුරිස්තියස්, වැඩ 10 සම්පූර්ණ වීමට නම් තවත් වැඩ දෙකක් සිදු කළ යුතු බව පවසනවා.

11. හෙස්පිරිඩීස් උද්‍යානයේ රන් ඇපල් (Take the Golden Apples of the Hesperides)

 

Hesperides නිම්ෆස් විය. මහා සාගරයේ  කිසිවෙකුත් නොදන්නා තැනක පිහිටි කුඩා දූපතක  පිහිටි ඔවුන්ගේ ගෙවත්තේ හිස් සියයක් ඇති මකරෙකු වන ලැඩන් විසින් සහ අප්සරාවන් පිරිසක්  විසින් ආරක්ෂා කරන ලද රන් ඇපල් වගා කරන ලදී. ඒවා කෑමට ගන්නා අයෙක් අමරණීයත්වයට පත්කරන මේ ඇපල් කීපයක් සොරාගෙන ඒම හෙ‍රැක්ලීස්ට පැවරුණා.

හර්කියුලීස් සාගර දේවතාවෙකු අල්වාගෙන, දිවයින තිබෙන තැන ඔහුගෙන් අසාගත්තේය. දිවයිනට ගිය ඔහුට, දෙව්ලොව තම කරපිටින් ඔසවා සිටින ඇට්ලස් යෝධයා හමුවුණා. හෙස්පිරිඩීස් අප්සරාවුන්ගේ පියා ඔහු යි. තමා වෙනුවෙන් ඇපල් කීපයක් සොරකම් කළ හැකි නම්, තමා ඔහු උසුලා සිටින බර ස්වල්ප වේලාවකට දරාසිටින්නට සූදානම් වග හෙ‍රැක්ලීස් ඇට්ලස්ට කියනවා. කෙසේ නමුත්, ඇපල් සොරා ගෙන එන ඇට්ලස් පවසන්නේ තමාට නැවතත් දෙව්ලොව ඔසවාගෙන සිටීමට අවශ්‍ය නැති බව යි. කෙසේ නුත් ඇට්ලස් රවටා නැවතත් දෙව්ලොව ඔහු පිටට දීමට හෙ‍රැක්ලීස් සමත් විය.

ඒ සියල්ලෙන් පසු රන් ඇපල් ද ‍රැගෙන ආපසු පැමිණි හර්කියුලීස් දකින යුරිස්තියස් වියරුවට පත්වූයේ ඔහු නැවත නොපැමිණෙතැයි බලාපොරොත්තු වූ නිසාය.

12. සර්බරස් අල්ලාගැනීම (Capture Cerberus)

හර්කියුලීස් මරාදැමීමේ අවසාන අත්සාහය ලෙස යුරිස්තියස් කෙසේවත් කිරීමට නොහැකි යැයි පැවසූ කාර්යයක් පවරනවා. පාතාලයේ ඔළු තුනේ මුර බල්ලා වන සර්බරස් ආයුධ භාවිතා නොකර අල්ලා ගන්නා ලෙස හෙරක්ලීස්ට නියෝග කරන ලදී.

හර්මීස් සහ ඇතීනා දෙවිවරුන්ගේ සහාය ද ඇතිව පරලොවට යන හර්කියුලීස්, එහි අධිපති දෙවියා වූ හේඩීස් හමුවෙනවා. සර්බරස්ට හානියක් නොකර අල්ලාගත හැකි නම් සුනඛයාව මිනිස් ලොවට ගෙන යා හැකි බවට හේඩීස් හර්කියුලීස්ට අවසර ලබාදෙනවා. ඒ අවසරයත් සමග සර්බරස් හා පොර වදින හර්කියුලීස් ඌ මෙල්ලකොට, කරපිට තබාගෙන යුරිස්තියස් හමුවට ගෙන යනවා. සර්බරස් දැකීමෙන් බියපත් වන යුරිස්තියස් නැවත වරක් පලාගොස් සිය බුජමේ සැඟවෙන්නේ, සර්බරස්ව නැවතත් පරලොවට හැරලා පැමිණියහොත් හර්කියුලීස්ට යළි කිසිදු කාර්යයක් නොපවරා නිදහස් කරන බවට පොරොන්දු වෙමින්.

හර්කියුලීස්ට පැවරූ කාර්යයන් මෙසේ නිමා වූ නමුත් ඕගියස් රජුගේ ඉස්තාලයේ සිද්ධියට පලි ගැනීට එම රාජ්‍යය ආක්‍රණය කර ඕගියස් රජු මරා දමා එහි කිරුල ඔහුගේ පුතුට පවරවා.

සටහන - චතුරංග ජයසුන්දර